জোনাইত বিজেপি প্ৰাৰ্থী ভুৱন পেগুৰ মনোনয়ন দাখিল

নিয়মীয়া বাৰ্তা ৮ মাৰ্চঃ  ১১৪ জোনাই বিধানসভা সমষ্টিৰ বিজেপি প্ৰাৰ্থী ভুৱন পেগুৱে আজি মনোনয়ন পত্ৰ দাখিল কৰি আনুষ্ঠানিকভাৱে নিৰ্বাচনী খুজ-কাৱাজ আৰম্ভ কৰে। দিনৰ প্ৰায় ১১ বজাত চাৰিগৰাকী সমৰ্থকক লৈ ক’ভিড পটকল মানি জোনাই মহকুমাধিপতিৰ ওচৰত দাখিল কৰে। উক্ত মনোনয়ণ দাখিলত জোনাই মহকুমা নিৰ্বাচনী বিষয়া গায়ত্ৰী পাতিৰ উপস্থিত থাকে৷ মনোনয়ণ দাখিলৰ পিছত আগন্তুক বিধান সভা নিৰ্বাচনৰ মূল প্ৰতিদ্বন্দী কোন হব বুলি সাংবাদিকৰ প্ৰশ্নৰ উওৰত বিজেপি প্ৰাৰ্থী ভূৱন পেগুৱে কয় মূল প্ৰতিদ্বন্দী কোন হব তাক আমি চিন্তা কৰা নাই সকলোবোৰ প্ৰৰ্থীয়ে মনোনয়ন দাখিল কৰি প্ৰতিযোগিতাত নামিব এই সকলোৱেই মোৰ প্ৰতিযোগি আৰু সকলোৰ লগতে আমি সমানে সমানে যুজিম , সৰ্বশক্তি প্ৰয়োগ কৰি যুজঁ দিম ইয়াত জনগণৰ আস্থা আৰু আশীৰ্বাদ জড়িত হৈ আছে৷ আজিৰ তাৰিখত অসম গণ পৰিষদ, গণ শক্তি, ইউ এন বি পি অৰ যিখিনি সমৰ্থকে যিখিনি কাম কাজ কৰিছে আৰু জোনাই ৰাইজে আস্থা আৰু জয় কৰাৰ কাৰণে যথেষ্ট চেষ্টা কৰিছে সেইয়ে বিজেপিৰ দলে অসমৰ ভিতৰতে জোনাই সমষ্টিত সৰ্বাধিক ভোটেৰে বিজয়ী হব আৰু আগন্তুক নিৰ্বাচনত বিপুল ভোটত জয়ী হোৱাৰ অত্যন্ত আত্ম বিশ্বাসী পেগুৱে ২৭ মেৰ ভোটদানৰ দিন আৰু ফলাফলৰ দিনটোলৈহে আগ্ৰহেৰে বাট চাই থকা বুলি প্ৰকাশ কৰে।