নিয়মীয়া বাৰ্তা, ১৪ এপ্ৰিলঃ শৰীৰৰ ৰোগ প্ৰতিৰোধী ক্ষমতা বা ইমিউনিটীৰ ওপৰত নিৰ্ভৰ কৰে আপুনি কিবা ৰোগত আক্ৰান্ত হোৱা বা আক্ৰান্ত হ’লে আৰোগ্য লাভৰ বিষয়টো। বিশেষকৈ ক’ৰোনাৰ সময়ত ই বহু বেছি প্ৰাসংগিক হৈ উঠিছে। শৰীৰৰ ৰোগ প্ৰতিৰোধ ক্ষমতা বৃদ্ধিক লৈ আগতে আমাৰ প্ৰতিবেদন প্ৰকাশ কৰা হৈছিল। আজি এনে কিছু পৰিচিত খাদ্যৰ কথা ক’ব ওলাইছো যিয়ে আমাৰ ৰোগ প্ৰতিৰোধ ক্ষমতা দুৰ্বল কৰে।
সুৰাপান বা ধূমপানঃ সুৰা পান কৰা বা ধূমপানে আপোনাৰ ৰোগ প্ৰতিৰোধ ক্ষমতা হ্ৰাস কৰে। গতিকে, যিমান সম্ভৱ সোনকালে বেয়া নিচাৰ পৰা ওলাই আহক।
ফাষ্ট ফুডঃ বেছিভাগ ফাষ্ট ফুড তৈয়াৰ কৰিবলৈ চেনি (চেনি বা এনে সামগ্ৰী) ব্যৱহাৰ কৰা হয় আৰু ফাষ্ট ফুডত আঁহ অতি কম। ফাষ্ট ফুডে লাহে লাহে শৰীৰৰ ৰোগ প্ৰতিৰোধ ক্ষমতা ধ্বংস কৰে।
কফীঃ কিছুমান লোকে কফী খাবলৈ ভাল পায়। কিন্তু বহুতে নাজানে যে কফীত থকা কেফেইনে ৰোগ প্ৰতিৰোধ ক্ষমতা প্ৰভাৱিত কৰে। সেয়েহে, কফী ব্যৱহাৰৰ ওপৰত নিয়ন্ত্ৰণ ৰখাটো অতি গুৰুত্বপূৰ্ণ। আপুনি অলপ কফী খাব পাৰে, কিন্তু ইয়াক অভ্যাসত পৰিণত নকৰিব।
পেকেট কৰা মাংসঃ পেকেটযুক্ত মাংস আপোনাৰ ৰোগ প্ৰতিৰোধ প্ৰণালী ধ্বংস কৰিবলৈ সক্ষম। কেৱল মাংসই নহয় আন পেকেটযুক্ত খাদ্যয়ো আপোনাৰ ৰোগ প্ৰতিৰোধ ক্ষমতা দুৰ্বল কৰিব পাৰে। যিমানদূৰ সম্ভৱ পেকেটযুক্ত খাদ্য পৰিহাৰ কৰিব।
চ’ডাঃ চ’ডাই ৰোগ প্ৰতিৰোধ ক্ষমতা দুৰ্বল কৰে। চ’ডাত চেনি বহুত বেছি থাকে, গতিকে এই পানীয় খোৱাৰ আগতে দহবাৰ চিন্তা কৰক।
পেকেট যুক্ত আচাৰঃ এইটো বহুতৰ বাবে এটা প্ৰিয় ব্যঞ্জন। কিন্তু আপুনি সম্ভৱতঃ নাজানে আচাৰত যথেষ্ট ছডিয়াম থাকে, যাৰ ফলত ডিহাইড্ৰেচন আৰু বৃক্কৰ সমস্যা হ’ব পাৰে।
বজাৰত পোৱা চুপঃ আজিকালি বজাৰত ছীল কৰা চুপ বিক্ৰী কৰা হয়। কিন্তু ই শৰীৰক পুষ্টি দিয়াৰ পৰিৱৰ্তে ৰোগ প্ৰতিৰোধ প্ৰণালী দুৰ্বল কৰে। গতিকে এনে ধৰণৰ খাদ্য পৰিহাৰ কৰক।