নিয়মীয়া বার্তা, ৫ জানুৱাৰীঃ দক্ষিণ শালমাৰা মানকাচৰ জিলাৰ বাংলাদেশ সীমান্তৱর্তী কাকৰিপাৰা গাঁৱৰ পৰা বি এছ এফ আৰু আৰক্ষীয়ে যৌথ অভিযান চলাই লোক এজনৰ ঘৰৰ পৰা বৃহৎ পৰিমাণৰ ড্রাগ্ছসহ ১.৬ লাখ টকা উদ্ধাৰ কৰে৷
কাকৰিপাৰা গাঁৱৰ মহম্মদ আলী নামৰ লোক এজনৰ ঘৰত বি এছ এফ আৰু আৰক্ষীয়ে গোপন সূত্রৰ আধাৰত অভিযান চলায়৷ যোৱানিশা প্রায় ৮ বজাত চলোৱা এই অভিযানত লোকজনৰ ঘৰৰ পৰা মুঠ ৪৫০০টা যুৱা টেবলেটৰ লগতে নগদ ১ লাখ ৬০ হাজাৰ টকা জব্দ কৰে৷