নিয়মীয়া বাৰ্তা, ১০ জুলাইঃ অভিযান্ত্রিক স্নাতক পাঠ্যক্রমত নামভর্তিৰ বাবে ‘অসম সংযুক্ত প্রৱেশ পৰীক্ষা–২০২১’ (আছাম চিইই)ৰ দিন ঘোষণা কৰা হৈছে৷ অসম বিজ্ঞান আৰু প্রযুক্তিবিদ্যা বিশ্ববিদ্যালয়ে পৰিচালনা কৰিবলগীয়া এই পৰীক্ষা অনুষ্ঠিত হ’ব অহা ২৯ আগষ্টত৷
পৰীক্ষার্থীসকলৰ বাবে আবেদন–পত্র অহা ১৪ জুলাইৰ পৰা ২ আগষ্টলৈ অসম বিজ্ঞান আৰু প্রযুক্তিবিদ্যা বিশ্ববিদ্যালয়ৰ ৱেবছাইট astu.ac.inত উপলব্ধ হ’ব৷
তদুপৰি পৰীক্ষাৰ ১৫ দিন পূর্বে এডমিট কার্ড মুকলি কৰি দিব আৰু বিশ্ববিদ্যালয়ৰ ৱেবছাইটৰ পৰা ডাউনলোড কৰিব পাৰিব পৰীক্ষার্থীসকলে৷
উল্লেখ্য যে অসম উচ্চতৰ মাধ্যমিক শিক্ষা সংসদৰ পাঠ্যক্রমৰ ভিত্তিত অনুষ্ঠিতব্য অভিযান্ত্রিকৰ এই প্রৱেশ পৰীক্ষা হৈছে ৰাজ্যিকভিত্তিক৷