নিয়মীয়া বাৰ্তা, ১২ জুলাইঃ পঞ্চায়ত প্রতিনিধিসকলে পাবলগীয়া পাৰিতোষিকৰ বকেয়া ধনৰ বাবে মুখ্যমন্ত্রী ড০ হিমন্ত বিশ্ব শর্মাৰ নির্দেশত দেওবাৰে বিত্ত বিভাগে ১৭০ কোটি টকা মুকলি কৰি দিয়ে৷ পঞ্চায়ত আৰু গ্রামোন্নয়ন বিভাগৰ মন্ত্রী ৰঞ্জিত কুমাৰ দাসে এই কথা সদৰী কৰে৷
মন্ত্রীগৰাকীয়ে কয় যে পঞ্চায়ত প্রতিনিধিসকলে মাহেকীয়া পাৰিতোষিকৰ বকেয়া ধন পাবলগীয়া থকা বিষয়টো মুখ্যমন্ত্রীক অৱগত কৰোৱাত মুখ্যমন্ত্রীয়ে বিত্ত বিভাগক এই পুঁজি মুকলি কৰিবলৈ নির্দেশ দিয়ে৷ পঞ্চায়ত প্রতিনিধিসকলক সকাহ দিয়াৰ বাবে বিত্ত বিভাগে এই পুঁজি মুকলি কৰি দিয়াৰ বাবে পঞ্চায়ত আৰু গ্রামোন্নয়নমন্ত্রী দাসে মুখ্যমন্ত্রী আৰু বিত্ত বিভাগক ধন্যবাদ জ্ঞাপন কৰে৷