নিয়মীয়া বাৰ্তা ১৬ ছেপ্টেম্বৰঃ মহানগৰীৰ গড়চুক আৰক্ষীয়ে বুধবাৰে পশ্চিম বৰাগাঁৱৰপৰা ৬৯০ কার্টন চুৰি মিঠাতেলসহ এখন ট্রাক জব্দ কৰে৷ আৰক্ষী সূত্রে জানিব পৰা মতে ভৰলুৰ হিমাংশু কাশ্যপ বর্মন নামৰ লোকজনে এ এছ ০১ টি–৮৯৮৬ নম্বৰৰ এখন ট্রাকত ৭০০ কার্টন মিঠাতেল আজাৰা ৰে’লৱে য়ার্ডৰ পৰা আনিছিল৷ কিন্তু ট্রাকৰ চালকে মিঠাতেলখিনি ব্যৱসায়ীজনক পামহিত থকা গুদামত নমোৱাৰ বিপৰীতে পশ্চিম বৰাগাঁৱৰ এটা গুদামত নমাই থাকোঁতে আৰক্ষীয়ে জব্দ কৰে৷