নিয়মীয়া বাৰ্তা, ১০ অক্টোবৰ: বিগত কেইবামাহ ধৰি প্ৰতি সপ্তাহতে সম্প্ৰচাৰ হোৱা ছনি টিভিৰ কিডছ ডান্স ৰিয়েলিটি শ্ব’ Super Dancer Chapter 4 ত অসমৰ জিয়ৰী ফ্লোৰিনা গগৈয়ে বিজয়ী খিতাপ অৰ্জন কৰিছে। শনিবাৰে গ্ৰেণ্ড ফাইনেলৰ এই যুঁজত শ্ব’টোৰ প্ৰতিযোগী ফ্লোৰিনা গগৈয়ে আন ৪ গৰাকী প্ৰতিদ্বন্দীক পৰাস্ত কৰি ট্ৰফী নিজৰ দখল কৰিছে।
অসমৰ ফ্লোৰিনা গগৈয়ে ১৫ লাখ টকাৰ পুৰষ্কাৰৰ সৈতে ট্ৰফী লাভ কৰিছে। লগতে ফ্লোৰিনাৰ গুৰু তুষাৰ চেট্টীকো নগদ পুৰস্কাৰ হিচাপে ৫ লাখ টকাৰে পুৰস্কৃত কৰা হৈছে।
বিগত মাৰ্চ মাহৰ পৰা আৰম্ভ হোৱা এই নৃত্য অনুষ্ঠানটোৰ প্ৰতিটো খণ্ডতে ফ্লোৰিনাই বিচাৰকসকলৰ ওপৰি দৰ্শকৰো হৃদয় জয় কৰিছিল।
উল্লেখ্য যে অনুষ্ঠানটোৰ ৰানাৰ্ছ-আপ হোৱা ৪ জন প্ৰতিযোগীয়ে পুৰস্কাৰ হিচাপে ১ লাখ টকা লাভ কৰিছে।