নিয়মীয়া বাৰ্তা ১৯ অক্টোবৰঃ নিষিদ্ধঘোষিত বিদ্ৰোহী সংগঠন আলফাৰ নামত ধন দাবী কৰি তেজপুৰৰ ৰণজিৎ মহন্ত আৰু বালিপৰা লোক্ৰাৰ মলয় গোস্বামী নামৰ দুজন লোক গ্ৰেপ্তাৰ হোৱাৰ ঘটনাই অঞ্চলজুৰি চাঞ্চল্যৰ সৃষ্টি কৰিছে । জানিব পৰা মতে, তেজপুৰৰ বিভিন্ন ব্যৱসায়ীৰপৰা ফোনযোগে আলফাৰ নামত বিভিন্ন সময়ত মোটা অংকৰ ধন দাবী কৰাৰ অভিযোগ উত্থাপন হৈ আহিছিল লোককেইজনৰ বিৰুদ্ধে । পিছত এক অভিযোগৰ ভিত্তিত
আৰক্ষীয়ে অভিযান চলাই লোক দুজনক গ্ৰেপ্তাৰ কৰে । বৰ্তমান সময়ত আৰক্ষীয়ে অধিক তথ্যৰ বাবে লোককেইজনক সোধা -পোছা অব্যাহত ৰাখিছে।
উল্লেখ্যে যে, সুশীল গোলচা নামৰ ব্যবসায়ী এজনৰ অভিযোগৰ ভিত্তিত ৰণজিৎ মহন্ত আৰু মলয় গোস্বামীক গ্ৰেপ্তাৰ কৰা হয় । লোককেইজনৰ বিৰুদ্ধে ৰুজু হোৱা গোচৰ ২২৪৩/২১ নম্বৰ আৰু ভাৰতীয় দণ্ডবিধি আইনৰ ধাৰা ১২০(বি) /৩৪৭/ I p c ১০/১৩ ইউ পি (ক)act বুলি জানিব পৰা গৈছে।