নিয়মীয়া বাৰ্তা, ১ নৱেম্বৰ: দেওবাৰে গুৱাহাটীৰ জয়ানগৰস্থিত চুকাফা ভৱনত সদৌ অসম গোঁসাই সমাজৰ এখন গুৰুত্বপূৰ্ণ সাধাৰণ সভা অনুষ্ঠিত হয়। গোঁসাই, মহন্তসকলৰ অৰ্থসামাজিক, ৰাজনৈতিক আৰু সাংস্কৃতিক উন্নয়নৰ হকে কাম কৰিবলৈ গঠিত হোৱা সংগঠনটোৰ এই সভাত বিভিন্ন দিশত খৰচী মাৰি অলোচনা হয়। সভাত কেন্দ্ৰীয় আহ্বায়াক সমিতিৰ সভাপতি দেবেন্দ্ৰ নাথ মহন্ত, কাৰ্যকৰী সভাপতি প্ৰহ্লাদ মহন্ত, সংবিধান প্ৰণয়ন সমিতিৰ সভাপতি ডাঃ দ্বীপেন মহন্ত, সম্পাদক বিপ্লব জ্যোতি মহন্ত কে প্ৰমুখ্য কৰি অসমৰ বিভিন্ন জিলাৰ পৰা অহা কুৰিৰো অধিক প্ৰতিনিধিয়ে অংশগ্ৰহণ কৰে।