নিয়মীয়া বাৰ্তা, ১১ মাৰ্চঃ বুধবাৰে ৰাজ্যিক নিৰ্বাচন আয়োগে ঘোষণা কৰে বিটিচিৰ পৰিষদীয় নিৰ্বাচনৰ দিন । ৰাজ্যিক নিৰ্বাচন আয়োগৰ অধিসূচনা অনুসৰি ৪ এপ্ৰিলত অনুষ্ঠিত হ’বলগীয়া ভোটগ্ৰহণৰ ফলাফল ঘোষণা কৰা হ’ব ৮ এপ্ৰিলত । ১৮ মাৰ্চত মনোনয়ন পত্ৰ দাখিলৰ অন্তিম দিন । ১৯ মাৰ্চত মনোনয়ন পৰীক্ষা কৰাৰ পাচতেই ২১ মাৰ্চত মনোনয়ন পত্ৰ প্ৰত্যাহাৰৰ অন্তিম দিন ঘোষণা কৰে নিৰ্বাচন আয়োগে ।
উল্লেখ্য যে, বিটিচি নিৰ্বাচনৰ দিন ঘোষণা হোৱাৰ পূৰ্বৰে পৰা বিটিচিত অব্যাহত আছে ৰাজনৈতিক ধুমুহা । এইবাৰৰ নিৰ্বাচনত ত্ৰিকোণীয় যুঁজ হোৱাৰ সম্ভাৱনা আছে । বৰ্তমানে শাসনত থকা বিপিএফ, প্ৰমোদ বড়ো নেতৃত্বধীন ইউপিপিএল আৰু নৱ শৰণীয়া নেতৃত্বাধীন গণ সুৰক্ষা পাৰ্টীৰ মাজত হ’ব মূল যুঁজ ।