নিয়মীয়া বাৰ্তা, ৩০ মাৰ্চঃ ৰাজ্যৰ দ্বিতীয় আৰু তৃতীয় পৰ্যায়ৰ নিৰ্বাচনৰ আগমুহূৰ্তত তথা প্ৰধানমন্ত্ৰীৰ অসম ভ্ৰমণৰ প্ৰাকক্ষণত কোকৰাঝাৰত পুনৰ উদ্ধাৰ হৈছে বৃহৎ অস্ত্ৰ ভাণ্ডাৰ ৷
কোকৰাঝাৰ জিলাৰ গোসাইগাঁও মহকুুুুমাৰ ৰিপু চিৰাং বনাঞ্চলত সোমবাৰে পুৱা কোকৰাঝাৰ সদৰ আৰক্ষীয়ে অভিযান চলাই এই বৃহৎ অস্ত্ৰ ভাণ্ডাৰ উদ্ধাৰ কৰিবলৈ সক্ষম হয় ৷
ভাৰত-ভূটান সীমান্তৰ ৰিপু চিৰাং বনাঞ্চলত পুতি থোৱা অৱস্থাত উদ্ধাৰ হোৱা অস্ত্ৰভাণ্ডাৰৰ ভিতৰত তিনিটা এ কে 56 ৰাইফল, তিনিটা এ কে 56 ৰাইফলৰ মেগজিন, 157 জাঁই সজীৱ গুলী, চাউল, কম্বল, প্লাষ্টিক, মিঠা তেল আৰু শুকান খাদ্য আদি আছে বুলি জানিব পৰা গৈছে ৷