বিশেষ বাৰ্তা, ১০ এপ্ৰিল : বৰঝাৰ বিমানবন্দৰৰ সমীপৰ বঙৰাত আজি এক ভয়ংকৰ পথ দুৰ্ঘটনা সংঘটিত হয়। দুৰ্ঘটনাত এজন লোক থিতাতে নিহত হয়। জানিব পৰা মতে, আজি পুৱা দিল্লী পাব্লিক স্কুলৰ AS- 01 PC-1675 নম্বৰৰ বাছখনে ৩২গৰাকী ছাত্ৰ-ছাত্ৰী লৈ বিদ্যালয় অভিমুখে গৈ আছিল। তেনে সময়তে বঙৰা আমৰতলত বিপৰীত দিশৰ পৰা অহা AS- 01 FL- 8710 নম্বৰৰ তীব্ৰবেগী Yamaha MT বাইকৰ লগত মুখামুখি সংঘৰ্ষ হয়। ফলত থিতাতে নিহত হয় বাইক আৰোহীজন। ঘটনাস্থলীত পলাশবাৰী আৰক্ষী উপস্থিত হৈ পৰিস্থিতি নিয়ন্ত্ৰণ কৰে। মৃত লোকজন বৰ্তমানলৈকে চিনাক্ত হোৱা নাই।