বিশেষ বাৰ্তা, ২৯ মেঃ ৰিজাৰ্ভ বেংকৰ গৱৰ্ণৰ শক্তিকান্ত দাসে আজি দেশৰ বেংকসমূহক এক শক্তিশালী বাৰ্তা প্ৰদান কৰি কয় যে যিকোনো ধৰণৰ বিপদৰ পৰা হাত সাৰিবলৈ হ’লে আগতীয়াকৈ সতৰ্কবাণী চিন চিনাক্ত কৰিব লাগিব। অদূৰ ভৱিষ্যতে বিত্তীয় অস্থিৰতা সন্দৰ্ভত কিছু বেংকৰ বাবে উদ্বেগ প্ৰকাশ কৰে আৰ বি আইৰ গৱৰ্ণৰ শক্তিকান্ত দাসে। আজি বেংকক এটা বাৰ্তা দি ভাৰতীয় ৰিজাৰ্ভ বেংকৰ গৱৰ্ণৰগৰাকীয়ে কয় যে গ্ৰাহকৰ ধনৰ সুৰক্ষা শীৰ্ষত ৰাখিব লাগে। ইয়াৰ উপৰি নিৰ্বাচিত বেংকসমূহত কৰ্পৰেট শাসনৰ বিষয়টোক লৈ কিছু উদ্বেগ উত্থাপন হৈছে, যাৰ ফলত বেংকসমূহত অস্থিৰতা আহিব পাৰে বুলিও আশংকা প্ৰকাশ কৰে আৰ বি আইৰ গৱৰ্ণৰে। আৰ বি আইৰ গৱৰ্ণৰৰ মতে, দেশৰ বেংকসমূহৰ ব’ৰ্ড আৰু পৰিচালনা সমিতিয়ে এই কথা মনত ৰাখিব লাগিব যে তেওঁলোকে এনে কাৰণত গুৰুত্ব দিব লাগে, যিবোৰ ভৱিষ্যতে সমগ্ৰ দেশৰ বেংকিং খণ্ডৰ বাবে অস্থিৰতাৰ কাৰণ হৈ পৰিব পাৰে। তেওঁ কয় যে বেংকিং খণ্ডৰ শক্তি বজাই ৰাখিবলৈ হ’লে ভৱিষ্যতে ৰঙা পতাকা হ’ব পৰা এনে যিকোনো সংকেত তৎক্ষণাত চিনি পোৱাটো প্ৰয়োজনীয়। দেশৰ বেংকসমূহক শক্তিশালী বাৰ্তা প্ৰদান কৰি আৰ বি আইৰ গৱৰ্ণৰগৰাকীয়ে কয় যে যিকোনো দেশৰ বেংকিং খণ্ডৰ বাবে শক্তিশালী চৰকাৰী গাঁথনিৰ প্ৰয়োজনীয়তাই প্ৰথম আৰু গুৰুত্বপূৰ্ণ পদক্ষেপ। গতিকে দেশৰ বেংকসমূহে কেন্দ্ৰীয় বেংকৰ পৰা লাভ কৰা নিৰ্দেশনাসমূহ মানি চলিব লাগে, যাতে বেংক খণ্ডটো বহনক্ষম বিত্তীয় প্ৰদৰ্শনৰ বাবে সাজু হৈ থাকে।