নিয়মীয়া বার্তা, ২৬ জুনঃ ক’ৰোনাৰ ভয়াৱহ সামাজিক সংক্রমণ ৰোধৰ বাবে গুৱাহাটী মহানগৰীত ১১টা ৱার্ডত লকডাউন ঘোষণা কৰিছে৷ কিন্তু এই অঞ্চলসমূহত লকডাউনৰ নীতি–নির্দেশনা উলংঘা কৰি একাংশ লোকে চলা–ফুৰা কৰি অহা পৰিলক্ষিত হৈছে৷ কালি গুৱাহাটী মহানগৰীৰ বেলতলাকে ধৰি বিভিন্ন স্থানত এডিজিপি জি পি সিং আৰু হৰমিৎ সিঙে অভিযান চলায়৷
এই অভিযানত লকডাউনৰ নীতি–নিয়ম উলংঘা কৰা বহু লোকক জৰিমনা বিহাৰ লগতে ক’ৰোনা ভাইৰাছৰ ভয়াৱহতাৰ প্রতি ৰাখি মাস্ক পৰিধান কৰাৰ লগতে সজাগ হৈ থাকিবলৈ আহ্বান জনায়৷ লক্ষণীয় যে একাংশ লোকে মাস্ক পৰিধান নকৰাকৈ মহানগৰীৰ বিভিন্ন স্থানত চলা–ফুৰা কৰি আহিছে৷ মাস্ক পৰিধান নকৰা লোকৰ পৰা এতিয়ালৈকে গুৱাহাটী মহানগৰীত ১৪ লাখৰো অধিক টকা জৰিমনা সংগ্রহ কৰিছে আৰক্ষীয়ে৷