নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

লকডাউন ঘোষণাৰ লগে লগে বজাৰত ব্যাপক ভিৰ

 নিয়মীয়া বাৰ্তা, ২৭ জুনঃ বিশ্বজুৰি মহামাৰীৰ ৰূপ লোৱা ক’ৰোনা ভাইৰাছৰ সামাজিক সংক্রমণ গুৱাহাটী মহানগৰীত উদ্বেগজনকভাৱে বৃদ্ধি পাইছে৷ ৰাজ্যৰ ৰাজধানী চহৰ গুৱাহাটী এতিয়া ক’ৰোনা ভাইৰাছৰ হটস্পটত পৰিণত হৈছে৷ শেহতীয়াকৈ অস্বাভাৱিক হাৰত ক’ৰোনাত আক্রান্ত ৰোগীৰ সংখ্যা বৃদ্ধি পোৱাত উদ্বিগ্ণ হৈ পৰিছে ৰাজ্য চৰকাৰ, জিলা প্রশাসন৷ যাৰ পৰিপ্রেক্ষিতত

স্বাস্থ্যমন্ত্রী ড০ হিমন্ত বিশ্ব শর্মাই সমগ্র গুৱাহাটীত পুনৰ ১৪ দিনৰ বাবে লকডাউন ঘোষণা কৰিবলগীয়া হ’ল৷ স্বাস্থ্যমন্ত্রীৰ ঘোষণাৰ পিাছতে মহানগৰীত অস্বাভাৱিক হাৰত বৃদ্ধি পায় খাদ্যসামগ্রীৰ দাম৷ একাংশ অসাধু ব্যৱসায়ীয়ে লকডাউনৰ সুযোগ লৈ অত্যাৱশ্যকীয় খাদ্যসামগ্রীৰ লগতে শাক–পাচলি, মাছ–মাংস আৰু কণীৰ দাম বৃদ্ধি কৰে৷ দেওবাৰৰ মাজনিশাৰ পৰা পুনৰ লকডাউন ঘোষণা কৰাত মহানগৰীৰ বজাৰত প্রয়োজনীয় অত্যাৱশ্যকীয় সামগ্রী ক্রয় কৰাৰ বাবেও গ্রাহকে ভিৰ কৰে৷

ক’ভিড–১৯ৰ সংক্রমণ ৰোধৰ বাবে জাৰি কৰা নীতি–নির্দেশনা উলংঘা কৰি আজি বজাৰে বজাৰে ভিৰ কৰে মহানগৰবাসীয়ে৷ অসাধু ব্যৱসায়ীয়ে ২০/২৫ টকীয়া আলু ৩৫/৪০ টকা, ৩০ টকীয়া পিঁয়াজ ৪০ টকাত, ১৪০ টকাৰ কণীৰ প্লেট ১৯০–২০০ টকাত বিক্রী কৰে৷ ক’ভিড–১৯ প্রতিৰোধৰ ক্ষেত্রত ল’ব লগা সাৱধানতা অৱলম্বন নকৰি বজাৰে বজাৰে গ্রাহকে ভিৰ কৰে৷ মাস্ক পৰিধান নকৰি, সামাজিক দূৰত্ব বজাই নাৰাখি গ্রাহকে বজাৰত ভিৰ কৰাৰ পৰিপ্রেক্ষিতত কালি মহানগৰ জিলা প্রশাসনে সামাজিক সংক্রমণ ৰোধৰ বাবে বেলতলা সাপ্তাহিক বজাৰ বন্ধ কৰাৰ সিদ্ধান্ত লয়।

You might also like