নিয়মীয়া বাৰ্তা ৩০ জুলাইঃ লখৰাৰ কেন্দ্রীয় কাৰাগাৰৰ সমীপত দীর্ঘদিন ধৰি অসামাজিক কার্যকলাপ চলাই অহাৰ অভিযোগ উত্থাপন হৈ আহিছে৷ স্থানীয় ৰাইজে আৰক্ষীক অভিযোগ দিয়াৰ পিছতো কোনো ব্যৱস্থা গ্রহণ কৰা নাছিল৷ অৱশেষত কালি স্থানীয় ৰাইজে কেন্দ্রীয় কাৰাগাৰৰ সমীপত দেহ ব্যৱসায় চলাই থকা বাসগৃহটোত অভিযান চলাই মমী দেৱী নামৰ মহিলাগৰাকীক এজন যুৱকৰ সৈতে অসংযত অৱস্থাত উদ্ধাৰ কৰি উত্তম–মধ্যম শোধাই আৰক্ষীক গতাই দিয়ে৷ মহিলাগৰাকীয়ে প্রতিঘণ্টাত ৩ৰ পৰা ৪ হাজাৰ টকা আদায় লৈ দেহ ব্যৱসায় চলাই আছিল বুলি ৰাইজে অভিযোগ কৰিছে৷ লগতে প্রতিদিনে উক্ত ঘৰটোলৈ বহু যুৱক–যুৱতীয়ে অহা–যোৱা কৰা বুলিও ৰাইজে জানিবলৈ দিছে৷