নিয়মীয়া বাৰ্তা, ২৬ এপ্ৰিলঃ গুৱাহাটীস্থিত পশ্চিম অসম দুগ্ধ উৎপাদক সমবায় সংঘ লিমিটেডে (ৱাএএমইউএল) আজিৰে পৰা কার্যকৰী হোৱাকৈ পূৰবীৰ দুগ্ধজাত গাখীৰৰ পাউছৰ সর্বাধিক খুচুৰা মূল্যত সামান্য সংশোধনৰ কথা ঘোষণা কৰিছে৷ সমগ্র অসমৰ বজাৰত পূৰবীৰ সকলো গাখীৰ প্রকাৰৰ এমআৰপি প্রতি লিটাৰত ২ টকাকৈ (প্রতি ৫০০ মিলি পাউছত ১ টকা) সংশোধন কৰিবলৈ বাধ্য হৈছে৷ এম আৰ পিৰ এই সামান্য সংশোধনে দুগ্ধ সমবায়ক মূল্যৱান গ্রাহকসকলক উন্নত মানদণ্ডৰ গাখীৰ প্রদান অব্যাহত ৰখাত সহায় কৰাৰ লগতে ৰাজ্যখনত দুগ্ধ খেতিয়ক আৰু গাখীৰ যোগান শৃংখলাক সমর্থন কৰাতো সহায়ক হ’ব৷