নিয়মীয়া বাৰ্তা, ২৯ মাৰ্চঃ দেওবাৰে দেশৰ প্ৰধানমন্ত্ৰী নৰেন্দ্ৰ মোডীয়ে আকাশবাণীৰ জৰিয়তে দেশবাসীলৈ প্ৰেৰণ কৰে বাৰ্তা । ক’ৰোনা সংক্ৰমণ ৰোধৰ ক্ষেত্ৰত দেশবাসীয়ে ল’ব লগা সাৱধানতা সম্পৰ্কতো উল্লেখ কৰে প্ৰধানমন্ত্ৰীগৰাকীয়ে ।
কি ক’লে প্ৰধানমন্ত্ৰীয়ে –
- যিসকলক হোম কোৱাৰেণ্টাইনত ৰখা হৈছে , তেওঁলোকক তাচ্ছিল্য কৰা হৈছে । এই খবৰত মই মৰ্মাহত । আবেগিক দূৰত্ব কম কৰি সামাজিক দূৰত্ব বজাই ৰখাৰ বাৰ্তা প্ৰধানমন্ত্ৰীৰ ।
- আচাৰ্য চড়কে কৈছিল , পাৰ্থিৱ বস্তু লাভৰ মোহৰ এৰি যিসকলে ৰোগীৰ সেৱা কৰে তেওঁলোকেই চিকিৎসক । এই প্ৰসংগ উল্লেখ কৰি মন কী বাতত প্ৰধানমন্ত্ৰীগৰাকীয়ে নিজৰ জীৱনকো তুচ্ছ কৰি ক’ৰোনা আক্ৰান্ত সেৱাত ব্যস্ত থকা সকলো চিকিৎসক-নাৰ্ছ আৰু স্বাস্থ্যকৰ্মীক নমস্কাৰ জনালে ।
- আগ্ৰাৰ অশোক কাপুৰ আৰু তেওঁৰ পৰিয়াল সকলো সদস্য ক’ৰোনাত আক্ৰান্ত হৈছিল । দিল্লীৰ চিকিৎসকে সুস্থ কৰি তোলে এই পৰিয়ালটো । প্ৰধানমন্ত্ৰীৰ সৈতে সেই অভিজ্ঞতা শ্বেয়াৰ কৰিছিল অশোক কাপুৰ । মন কী বাত অনুষ্ঠানতে দিল্লীৰ সেইসকল চিকিৎসকক ধন্যবাদ জনালে প্ৰধানমন্ত্ৰীয়ে ।
- ঘৰত আৰু বাহিৰত ক’ৰোনাৰ বিৰুদ্ধে যুঁজিছে তেওঁলোক । এই মুহূৰ্তত যুদ্ধক্ষেত্ৰত প্ৰথম শাৰীত থাকি যুঁজ দিছে । চিকিৎসক নাৰ্ছ আৰু অন্যান্য স্বাস্থ্যকৰ্মীলৈ ধন্যবাদ মোডীৰ ।
- ইচ্ছাকৃত নহ’লেও বৰ্তমানেও অনেকে ভংগ কৰিছে লকডাউন । সেইসকলক সতৰ্ক কৰি প্ৰধানমন্ত্ৰীয়ে কয় এইদৰে ক’ৰোনা প্ৰতিৰোধ কৰা অসম্ভৱ ।
- ক’ৰোনাৰ বিৰুদ্ধে যুঁজাতো অত্যন্ত কঠিন । ইয়াৰ বাবেই প্ৰয়োজন হৈছে কঠিন পদক্ষেপৰ । দেশবাসীক সুৰক্ষিত ৰখা একমাত্ৰ লক্ষ্য বুলি উল্লেখ কৰে প্ৰধানমন্ত্ৰীয়ে ।
- এই ধৰণৰ কঠিন পদক্ষেপ কৰাৰ বাবে দুঃখিত । দৰিদ্ৰ সকল অনেক অসুবিধাৰ সন্মুখীন হৈছে । এই সিদ্ধান্তত অনেক লোক ক্ষুব্ধ যদিও যুদ্ধ জয়ৰ বাবে এই সিদ্ধান্ত অনিবাৰ্য আছিল ।
- লকডাউনে নিজকে নতুনকৈ গঢ়াৰ এক ডাঙৰ সুযোগ দিছে । বাহিৰলৈ ওলাই নগৈ নিজৰ অন্তৰৰ ভিতৰখন চাওক । এই সময়ছোৱাত নিজৰ পুৰণি গান গোৱা, তবলা বজোৱা এইধৰণৰ অভ্যাস সমূহ গঢ়ি তোলক । মন কী বাতত এই উপদেশ প্ৰধানমন্ত্ৰীৰ ।
- লকডাউনৰ সময়ত প্ৰধানমন্ত্ৰীয়ে যোগৰ লগতে নানা কাম কৰিছে । প্ৰয়োজনত সেইসমূহ ভিডিঅ’ পোষ্ট কৰাৰ কথাও উল্লেখ কৰে নৰেন্দ্ৰ মোডীয়ে ।