নিয়মীয়া বাৰ্তা, ৭ ফেব্ৰুৱাৰীঃ মধ্য প্ৰদেশৰ মন্দছোৰত সংঘটিত হ’ল এক কৰুণ ঘটনা । এজন ১২ বছৰীয়া কিশোৰে ভগত সিঙৰ দৰে ফাঁচী কাঠত উলমাৰ নাটক কৰি থকা অৱস্থাতে ফাঁচ লাগি মৃত্যুক সাৱতি লয় ।
ঘটনা অনুসৰি, কিশোৰজনে ভগত সিং নাটকৰ এটা ভিডিঅ’ চাইছিল আৰু ঠিক তেনেদৰেই অভিনয় কৰি আছিল । অভিনয়ৰ মাজতে ফাঁচীৰ ৰচীডাল তেওঁৰ ডিঙিত লাগি ধৰি মৃত্যু ঘটে ।
এই খবৰ লাভ কৰিয়ে ফজলপুৰ থানাৰ আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে ।