নিয়মীয়া বাৰ্তা, ৩১ ডিচেম্বৰঃ সমগ্ৰ দেশতে অত্যাৱশ্যকীয় সামগ্রী পিঁয়াজৰ ঊর্ধ্বমুখী দামে সর্বসাধাৰণ ৰাইজক জ্বলাকলা খুওৱাৰ সময়তে আহিছে এক সুখবৰ ।
এক চৰকাৰী সূত্ৰত প্ৰকাশ পোৱা অনুসৰি আগন্তুক বৰ্ষত দেশত পিঁয়াজৰ সংকট দূৰ কৰাৰ বাবে কেন্দ্ৰই ১ লাখ টন পিঁয়াজ মজুত ৰখাৰ বাবে সিদ্ধান্ত গ্ৰহণ কৰিছে ।
উল্লেখ্য যে চলিত বৰ্ষৰ বাবে চৰকাৰে এই বৰ্ষত ৫৬ হাজাৰ টন পিঁয়াজ মজুত ৰাখিছিল যদিও শেষৰ ফালে এই পিঁয়াজৰ নাটনি সৃষ্টি হয় । যাৰ বাবে কেন্দ্ৰই পিঁয়াজ আমদানি কৰিবলগীয়া হয় ।
উল্লেখ্য যে চলিত বৰ্ষত চাহিদাৰ বিপৰীতে বজাৰত নাছিল পিঁয়াজৰ যোগান । যাৰ বাবে এতিয়াও দেশৰ বজাৰত ৰঙা পিঁয়াজে কোৱাই আছে শতক ।