দেশৰ ৰাজধানী চহৰখনত ক’ভিড-১৯ত আক্ৰান্তৰ সংখ্যা ভয়ানকভাৱে বাঢ়িছে। যোৱা মে’ মাহৰ পাছত দিল্লীত আজিৰ দিনটোত ক’ভিড আক্ৰান্তৰ সংখ্যা সৰ্বাধিক হৈছে। যোৱা ২৪ ঘণ্টাত দিল্লীত নতুনকৈ আক্ৰান্তৰ সংখ্যা ২২,৭৫১ হৈছেগৈ। এনে সময়তে জানিব পৰা হৈছে যে দিল্লীৰ বিভিন্ন আৰক্ষী চকীৰ তিনি শতাধিক আৰক্ষী জোৱানৰ দেহতো ক’ভিড-১৯ ভাইৰাছ সক্ৰিয় হৈছে। ইয়াৰে ভিতৰত জনসংযোগ বিষয়া, অতিৰিক্ত আয়ুক্তও আছে। উল্লেখ্য যে যোৱা বছৰৰ ১ মে’ত দিল্লীত এদিনত ক’ভিড আক্ৰান্ত হৈছিল ২৫,২১৯ জন লোক। যোৱা ২৪ ঘণ্টাত ১০,১৭৯ লোকে আৰোগ্য লাভ কৰিছে যদিও এই সময়ছোৱাত মৃত্যু হৈছে ১৭ জন লোকৰ।