নিয়মীয়া বাৰ্তা, ২২ এপ্ৰিলঃ ক’ভিড–১৯ ভেকচিন লোৱাৰ পিছত এজন লোকৰ দেহত মহামাৰী ভাইৰাছত আক্রান্ত হোৱাৰ হাৰ অতি নূন্যতম৷ কেন্দ্রীয় চৰকাৰে প্রকাশ কৰা মতে ক’ভাক্সিনৰ দ্বিতীয়টো ড’জ লোৱাৰ পিছত ক’ভিড–১৯ত আক্রান্তৰ হাৰ মাত্র ০.০৪ শতাংশ৷ তেনেদৰে ক’ভিশ্বিল্ডৰ দ্বিতীয়টো ড’জ লোৱাৰ পিছত ক’ভিড পজিটিভৰ হাৰ মাত্র ০.০৩ শতাংশ৷
ইণ্ডিয়ান কাউন্সিল অৱ মেডিকেল ৰিছার্চ (আইচিএমআৰ)ৰ তথ্য আধাৰত এই আক্রান্তৰ হাৰ প্রকাশ কৰা হৈছে৷ আইচিএমআৰ সঞ্চালকপ্রধান ড০ বলৰাম ভার্গৱে প্রকাশ কৰা মতে ক’ভিড–১৯ ভেকচিন লোৱাৰ পিছত ১০ হাজাৰ জনসংখ্যাৰ ভিতৰত মাত্র ২–৪জন লোক আক্রান্ত হৈছে৷