নিয়মীয়া বাৰ্তা ২৯ এপ্ৰিলঃ দেশৰ ৰাজধানী দিল্লীৰ শাসনৰ গুৰু দায়িত্ব উপ–ৰাজ্যপাল অনিল বাইজালৰ হাতত ন্যস্ত কৰিছে কেন্দ্রীয় চৰকাৰে৷ উল্লেখনীয় যে কেন্দ্রীয় চৰকাৰে কিছুদিন পূর্বে গৱর্নমেণ্ট অৱ নেচনেল কেপিটেল টেৰিট’ৰী অৱ দিল্লী (জিএনচিটিডি) আইনৰ সংশোধনী ঘটাই প্রশাসনিক ক্ষমতা উপ–ৰাজ্যপালৰ হাতত ন্যস্ত কৰিছিল৷ কালিৰে পৰা আনুষ্ঠানিকভাৱে উপ–ৰাজ্যপালে দিল্লীৰ প্রশাসনিক ক্ষমতা লাভ কৰিছে৷ অর্থাৎ এই আইনৰ অধীনস্থ সমগ্র বিষয়ত সিদ্ধান্ত ল’বলৈ হ’লে উপ–ৰাজ্যপালৰ অনুমতি ল’ব লাগিব৷ উপ–ৰাজ্যপালৰ বিচার্য হ’লেহে এই আইনখনৰ অধীনত যিকোনো কাম–কাজ চলোৱাৰ সুযোগ লাভ কৰিব মুখ্যমন্ত্রী অৰবিন্দ কেজৰিৱাল নেতৃত্বাধীন আপ চৰকাৰে৷