নিয়মীয়া বাৰ্তা ৩১ জুলাইঃ ক’ভিড মহামাৰীৰ সংক্রমণৰ তৃতীয় জোৱাৰৰ আশংকা কৰি কেন্দ্রীয় চৰকাৰে আন্তর্জাতিক যাত্রীবাহী বিমানৰ উৰণৰ সেৱাৰ ক্ষেত্রত ৩১ আগষ্টলৈকে নিষেধাজ্ঞা বৃদ্ধি কৰিছে৷ অসামৰিক উৰণ বিভাগত সঞ্চালকপ্রধানে এই নিষেধাজ্ঞা জাৰি কৰিছে৷ ৩১ আগষ্টৰ মাজনিশালৈকে নিষেধাজ্ঞা অব্যাহত থাকিব৷ অৱশ্যে কার্গ’ বিমানসমূহৰ ক্ষেত্রত এই নিষেধাজ্ঞা বলৱৎ নহ’ব৷ ইতিমধ্যে অসামৰিক উৰণ সঞ্চালকালয়ে যিবোৰ বিশেষ বিমানৰ সেৱাৰ ক্ষেত্রত অনুমতি প্রদান কৰিছে সেয়া পূর্বৰ দৰে বাহাল থাকিব৷ বর্তমান দেশৰ কেইবাখনো ৰাজ্যত ক’ভিড সংক্রমিত লোকৰ সংখ্যা বৃদ্ধি পাইছে৷