নিয়মীয়া বাৰ্তা ২৭ নৱেম্বৰঃ ১৯৮৫ চনত নেচনেল জি’গ্রাফিক আলোকচিত্রৰে গৃহভূমি আফগানিস্তানৰ যুদ্ধৰ প্রতীক হৈ পৰা ‘সেউজ চকুৰ’ যুৱতী শ্বাৰবাত গুলাক ইটালীয়ে আশ্রয় দান কৰিছে৷ ইটালীৰ প্রধানমন্ত্রী মাৰি’ ড্রাঘিৰ কার্যালয়ে কালি এক বিবৃতিত সদৰী কৰা অনুসৰি, গুলাৰ বাবে নিৰাপদ আশ্রয়গৃহ হ’ব ইউৰোপীয় দেশখন৷ উল্লেখনীয় যে তালিবানে আফগানিস্তান দখল কৰাৰ পিছতে শ্বাৰবাত গুলাই গৃহভূমি পৰিত্যাগ কৰাৰ ক্ষেত্রত বিশ্ববাসীৰ সহায়ভিক্ষা কৰিছিল৷ গুলাৰ এই অনুৰোধৰ প্রতি ইতিবাচক সঁহাৰি প্রদান কৰিছে ইটালীয়ে৷