নিয়মীয়া বাৰ্তা ১৭ অক্টোবৰঃ বিহাৰ বিধানসভা নির্বাচনত বিজেপি নেতৃত্বাধীন এন ডি এৰ মুখ্যমন্ত্রী প্রার্থী হিচাপে নীতিশ কুমাৰৰ পক্ষত ৰাজ্যখনত ১২খন নির্বাচনী সমাৱেশত অংশ ল’ব প্রধানমন্ত্রী নৰেন্দ্র মোদীয়ে৷ অহা ২৩ অক্টোবৰত ছাছাৰামত প্রথমখন নির্বাচনী সমাৱেশত অংশ লোৱাৰ পিছত একেদিনাই গয়া আৰু ভাগলপুৰত নির্বাচনী সভাত অংশ ল’ব প্রধানমন্ত্রী মোদীয়ে৷
বিজেপিৰ সূত্রই প্রকাশ কৰা মতে ৩ নৱেম্বৰত আৰাৰিয়াত অন্তিমখন নির্বাচনী সমাৱেশত অংশগ্রহণ কৰিব প্রধানমন্ত্রী মোদীয়ে৷ তাৎপর্যপূর্ণ যে প্রধানমন্ত্রী মোদীয়ে এদিনত তিনিখনকৈ নির্বাচনী সমাৱেশত অংশ ল’ব আৰু ইয়াৰে এখন সমাৱেশত জে ডি(ইউ)ৰ মুৰব্বী তথা বিহাৰৰ মুখ্যমন্ত্রী নীতিশ কুমাৰো প্রধানমন্ত্রীৰ সৈতে মঞ্চত উপস্থিত থাকিব৷
উল্লেখ্য যে ২০১৩ চনত নৰেন্দ্র মোদীক প্রধানমন্ত্রীৰ প্রার্থী হিচাপে প্রক্ষেপ কৰাৰ পিছতেই নীতিশ কুমাৰে বিজেপি নেতৃত্বাধীন এন ডি এ ত্যাগ কৰিছিল৷ পিছলৈ কুমাৰে পুনৰ এন ডি এত অংশগ্রহণ কৰে৷ প্রথমবাৰৰ বাবে কুমাৰৰ হৈ নির্বাচনী সভাত অংশ ল’ব প্রধানমন্ত্রী মোদীয়ে৷