মণিপুৰত পুনৰ হিংসাই ভয়ংকৰ ৰূপ ধাৰণ কৰিছে। উখৰুলৰ লিটান গাঁৱত গুলীৰ শব্দ শুনা গৈছে। প্ৰায় ৩০ৰ অধিক ঘৰলৈ জুই বলিছে। জুইৰ পাছত মানুহে নিজৰ ঘৰ এৰি পলাইছে। তথ্য অনুসৰি, এই অঞ্চলত ৫ দিনৰ বাবে ইণ্টাৰনেট সেৱা বন্ধ কৰা হৈছে।
মণিপুৰত উত্তেজনা নিয়ন্ত্ৰণৰ উদ্দেশ্যে, ৰাজ্য চৰকাৰে উখৰুল জিলাৰ সমগ্ৰ এলেকাত ৫ দিনৰ বাবে ইণ্টাৰনেট আৰু মোবাইল ডাটা সেৱা স্থগিত কৰাৰ নিৰ্দেশ দিছে। এই ব্যৱস্থা মঙ্গলবাৰে পুৱা ১১ বজাৰ পৰা প্ৰযোজ্য হৈছে। এই পদক্ষেপ লিটানৰ তাংখুল নাগা আৰু কুকি সমাজৰ মাজত পুনৰ সংঘৰ্ষৰ পাছত গ্ৰহণ কৰা হৈছে।
ছ’চিয়েল মিডিয়াত প্রচাৰিত উত্তেজনাপূৰ্ণ ছবি, ভিডিঅ’ আৰু বাৰ্তাই পৰিস্থিতি অধিক গুৰুতৰ কৰিব পাৰে। গৃহ বিভাগৰ চৰকাৰী আদেশত উল্লেখ কৰা হৈছে যে, broadband, VPN আৰু VSAT সেৱা স্থগিত কৰা হৈছে আইনী শৃংখলা ৰক্ষা আৰু ধৰ্মীয় সম্প্ৰীতি বজাই ৰখাৰ বাবে।
মঙ্গলবাৰে পুৱা লিটানত পুনৰ হিংসা আৰম্ভ হৈছিল। সশস্ত্র গাঁওবাসীয়ে নিৰাপত্তা বাহিনীৰ সৈতে সংঘৰ্ষত লিপ্ত হৈছে। প্ৰত্যক্ষদৰ্শীৰ খবৰ অনুসৰি লিটান আৰু ওচৰ চাৰেইখং গাঁৱত বহু ঘৰ জুইৰ বলি হৈছিল।
ভাৰতীয় নাগৰিক সুৰক্ষা বিধি (BNSS)ৰ ধাৰা ১৬৬ অনুসৰি কাৰ্ফিউ আৰোপ কৰা হৈছে, আৰু কেন্দ্ৰীয় সশস্ত্র আৰক্ষী বাহিনী স্থিতি নিয়ন্ত্ৰণৰ বাবে নিযুক্ত। জিলা প্রশাসনে সতর্ক কৰিছে যে ইণ্টাৰনেট স্থগিত আদেশ উলংঘা কৰিলে আইনী পদক্ষেপ গ্ৰহণ কৰা হ’ব।
লিটানৰ ৰাস্তা এতিয়াও সশস্ত্ৰ অৱস্থান আৰু ৰাইজৰ মাজত ব্যাপক আতংকৰে চিহ্নিত। অধিকাৰীয়ে ৰাইজক ঘৰত থাকিবলৈ আৰু শান্তি নহাপৰ্যন্ত নিৰাপত্তা কৰ্মীৰ সৈতে সহযোগিতা কৰিবলৈ অনুৰোধ কৰিছে।
ডিজিটেল ডেস্ক, ১০ ফেব্ৰুৱাৰী