নিয়মীয়া বাৰ্তা, ১৮ জানুৱাৰীঃ আজি মৰিগাঁও জিলা উপায়ুক্তৰ কাৰ্যালয়ৰ সভাকক্ষত ৰাতিপুৱা ১০ বজাত জিলা উপায়ুক্ত লীনা দাসৰ সঞ্চালনাত এখন সভা অনুষ্ঠিত কৰা হয় । আজিৰ সভাত বিভিন্ন ৰাজনৈতিক দলৰ প্ৰতিনিধি সকলৰ উপস্থিতিত মৰিগাঁও জিলাৰ তিনিওটা সমষ্টিৰ চূড়ান্ত ভোটাৰ তালিকা খন প্ৰকাশ কৰা হয় ।
উল্লেখ্য যে চলিত বৰ্ষৰ ১ জানুৱাৰী তাৰিখটো ভিত্তি বৰ্ষ হিচাপে লৈ উক্ত তালিকাখন প্ৰস্তুত কৰা হৈছে । ৰাইজে চাব পৰাকৈ জিলাখনৰ তিনিওটা সমষ্টিৰ নিৰ্বাচক পঞ্জীয়ন পদাধিকাৰীৰ কাৰ্যালয়ত এই চূড়ান্ত ভোটাৰ তালিকাখন ৰখা হৈছে ।
আজিৰ সভাত অতিৰিক্ত উপায়ুক্ত ৰমী বৰুৱা, অতিৰিক্ত উপায়ুক্ত অজিত শৰ্মা, নিৰ্বাচনী বিষয়া দীপময় ঠাকুৰীয়া প্ৰমুখ্যে ৰাজনৈতিক দলৰ প্ৰতিনিধিসকল উপস্থিত আছিল ।