নিয়মীয়া বাৰ্তা, ২৬ নৱেম্বৰঃ বিগত বিশ্বকাপতে অন্তিমবাৰৰ বাবে খেলপথাৰত নমা টীম ইণ্ডিয়াৰ তাৰকা মহেন্দ্ৰ সিং ধোনীয়ে অহা বৰ্ষৰ মাৰ্চত ক্ৰিকেটলৈ প্ৰত্যাৱৰ্তন ঘটাব । বাংলাদেশ ক্ৰিকেট ব’ৰ্ডে অৱশিষ্ট বিশ্ব একাদশ আৰু এছিয়া একাদশৰ মাজত আয়োজন কৰা দুখন টি-২০ মেচত ধোনীক দেখিবলৈ পোৱাৰ সম্ভাৱনা আছে । উল্লেখ্য যে বিশ্বকাপৰ ছেমিফাইনেলত নিউজিলেণ্ডৰ বিৰুদ্ধে ভাৰত পৰাস্ত হোৱাৰ পিছৰে পৰা ধোনীয়ে প্ৰতিযোগিতামূলক ক্ৰিকেটত অংশ লোৱা নাই । লগতে বিশ্বকাপৰ পাছত টীম ইণ্ডিয়াই ৱেষ্ট ইণ্ডিজ, দক্ষিণ আফ্ৰিকা আৰু বাংলাদেশৰ বিৰুদ্ধে আন্তঃৰাষ্ট্ৰীয় মেচ খেলে যদিও ধোনীয়ে স্ব-ইচ্ছাই এই শৃংখলাসমূহৰ পৰা আঁতৰি থকাৰ সিদ্ধান্ত লয় ।