সর্বভাৰতীয় ফুটবল ফেডাৰেচনৰ উদ্যোগত অসম ফুটবল সন্থাৰ তত্ত্বাৱধানত ৭৯ সংখ্যক সন্তোষ ট্ৰফী ফুটবল প্রতিযোগিতাখনিৰ মূল ৰাউণ্ডৰ খেলসমূহ ধেমাজি আৰু লখিমপুৰ জিলাৰ ঢকুৱাখনা আৰু চিলাপথাৰত অহা ২১ জানুৱাৰীৰ পৰা ৮ ফেব্রুৱাৰীলৈকে অনুষ্ঠিত হ’ব৷
প্রতিযোগিতাখনিত মূল ৰাউণ্ডত ভাৰতবর্ষৰ ১২খন ৰাজ্যই অংশগ্রহণ কৰিব৷ দলসমূহ হ’ল–কেৰালা, পঞ্জাব, ওড়িশা, মেঘালয়, নাগালেণ্ড, ৰে’লৱে, ৰাজস্থান, তামিলনাডু, উত্তৰাখণ্ড, ছার্ভিচেছ, পশ্চিমবংগ আৰু অসম৷
উক্ত প্রতিযোগিতাত অংশগ্রহণৰ বাবে অসম ফুটবল সন্থাই অসমৰ দলটো ঘোষণা কৰে৷ খেলুৱৈসকল হ’ল– সত্যজিৎ বৰদলৈ, নৱজ্যাতি আয়ন গ’লকীপাৰ৷ দীপু গোহাঁই, চুডেম ৱাৰি, ডিডম হাজোৱাৰী, আম্বৰ চেত্রী, নৱীন ৰাভা, ডানশ্রাং বসুমতাৰী, ৰৌস্তম ব্রহ্মৰক্ষণ বিভাগ৷ তিমথী নার্জাৰী, ঋতুৰাজ মোহন, জাংমিংলু কুকি, প্রজ্ঞান সুন্দৰ গগৈ, ঋষিৰাজবৰুৱা, শুভম চেত্রী মিড ফিল্ড, সুদীপ্ত কোঁৱৰ, আক্রাং নার্জাৰী, দীপু মির্ধা, গগমচাৰ গয়াৰী, অনুপম বৰগোহাঁই, প্রাঞ্জল ভূমিজ আৰু ময়ূখ গগৈ৷
অসম ফুটবল সন্থাৰ বিষয়ববীয়াসকলে প্রতিযোগিতা সমূহত ক্রীড়াপ্রেমী ৰাইজৰ উপস্থিতি কামনা কৰিছে৷
বিশেষ বার্তা, যোৰহাট, ১৭ জানুৱাৰী