অভেলত ঐতিহাসিক জয়ৰ পিছত ইংলেণ্ডৰ ড্ৰেছিং ৰুমত কিয় গ’ল ভাৰতীয় দল
এই খেলুৱৈয়ে কৰিলে উদঘাটন
অভেল টেষ্টত ভাৰতে ইংলেণ্ডক ৬ ৰানত পৰাস্ত কৰিছিল, কিন্তু খেল শেষ হোৱাৰ পাছত যি দৃশ্য দেখা গ’ল, সি সকলোকে আচৰিত কৰিলে। দলৰ এজন খেলুৱৈয়ে জনালে যে সম্পূৰ্ণ দলেই ইংলেণ্ডৰ ড্ৰেছিং ৰুমলৈ গ’ল।
কেনিংটন অভেলত অনুষ্ঠিত পঞ্চম আৰু অন্তিম টেষ্টত টীম ইণ্ডিয়াই ইংলেণ্ডক কেৱল ৬ ৰানত পৰাস্ত কৰি ঐতিহাসিক জয় লাভ কৰিছিল আৰু চিৰিজত ২-২ সমতা স্থাপন কৰিলে। কিন্তু জয়ৰ পাছত যি দৃশ্য দেখা গ’ল, সি ক্রিকেট অনুৰাগীকো আচৰিত কৰিলে। খেল জিকাৰ পাছত টীম ইণ্ডিয়া ইংলেণ্ডৰ ড্ৰেছিং ৰুমত প্ৰৱেশ কৰিলে, য’ত দুয়ো দলৰ খেলুৱৈয়ে মুক্তভাৱে কথা পাতি আছিল।
এই খেলুৱৈয়ে জনালে কাৰণ
ভাৰতীয় বেটচমেন কৰুণ নায়াৰে নিজেই এই কথা জনালে। তেওঁৰ মতে, খেল শেষ হোৱাৰ পাছত ভাৰতীয় দলে কোনো ডাঙৰ আনন্দোৎসৱ পালন নকৰিলে, বৰঞ্চ প্ৰতিপক্ষ দলৰ ড্ৰেছিং ৰুমত গৈ সকলোৰে কথা পাতিলে। নায়াৰৰ মতে, “দুয়ো দলৰেই অনুভৱ হৈছিল যে এই চিৰিজটোৱে সাম্প্ৰতিক সময়ৰ সৰ্বশ্ৰেষ্ঠ টেষ্ট চিৰিজসমূহৰ ভিতৰত এটা হিচাপে স্থান লাভ কৰিছে।” ইংলেণ্ডৰ COACH ব্ৰেণ্ডন মেককালমেও এইটো চিৰিজকেই তেওঁৰ জীৱনৰ স্মৰণীয় চিৰিজ হিচাপে বৰ্ণনা কৰিলে।
চিৰিজৰ যাত্ৰা
লিডছত অনুষ্ঠিত প্ৰথম টেষ্টত ইংলেণ্ডে জয় লাভ কৰিছিল, কিন্তু দ্বিতীয় টেষ্টত ভাৰতীয় দলেও কামবেক কৰিছিল। তৃতীয় খেলতো পুনৰ ইংলেণ্ড জিকিল। চতুৰ্থ খেল ড্ৰ’ হৈ আৰু পঞ্চম খেলত ৰোমাঞ্চকৰভাৱে ভাৰতীয় দল জয়ী হল। অন্তিম টেষ্টত ভাৰতীয় বলাৰসকলে ইংলেণ্ডৰ বেটিঙক সম্পূৰ্ণ ধ্বংস কৰি পেলাইছিল।
কৰুণ নায়ৰৰ কামবেক আৰু গুৰুত্বপূৰ্ণ ইনিংছ
<span;>নায়াৰক প্ৰথম তিনি টেষ্টত খেলাৰ সুযোগ দিয়া হৈছিল, কিন্তু তেওঁ কোনো খেলতেই ডাঙৰ ইনিংছ খেলিব পৰা নাছিল। তাৰ ফলত তেওঁক চতুৰ্থ টেষ্টৰ পৰা বাহিৰ কৰি দিয়া হৈছিল। ঋষভ পন্তৰ আঘাতৰ ফলত তেওঁক পঞ্চম টেষ্টত পুনৰ সুযোগ দিয়া হয় আৰু সেই খেলত তেওঁ ৫৭ ৰনৰ এটা গুৰুত্বপূৰ্ণ ইনিংছ খেলিছিল। তেওঁৰ ইনিংছৰ বলত ভাৰতে প্ৰথম ইনিংছত ২২৪ ৰান কৰিছিল, যাৰ বিপৰীতে ইংলেণ্ডৰ দল ২৪৭ ৰানত অল আউট হৈছিল।
দ্বিতীয় ইনিংছত ভাৰতীয় দলৰ স্ক’ৰ আছিল ৩৯৬ ৰান আৰু ইংলেণ্ডক লক্ষ্য দিয়া হৈছিল ৩৭৪ ৰান। অন্তিম দিনত ইংলেণ্ডক প্ৰয়োজন আছিল মাত্ৰ ৩৫ ৰান আৰু ৪ উইকেট বাকী আছিল, কিন্তু মহম্মদ ছিৰাজে বিধ্বংসী বলিং কৰি ৯টা উইকেট লৈ ভাৰতক ঐতিহাসিক জয় প্রদান কৰিছিল।
এতিয়া টীম ইণ্ডিয়া অক্টোবৰ মাহত ৱেষ্ট ইণ্ডিজৰ বিপক্ষে দুখন টেষ্টৰ চিৰিজ খেলিবলৈ নামিব।
Niyomiya barta desk