চলিত মাহতে মুক্তি পাবলগীয়া এখন ছবি হ’ল থপ্পৰ Thappad)৷ ইতিমধ্যে ছবিখনৰ ট্রেইলাৰ মুক্তি দিয়া হৈছে৷ ট্রেইলাৰ চায়েই দর্শকে অধীৰ অপেক্ষাৰে বাট চাই আছে ছবিখনৰ মুক্তিৰ দিনটোলৈ৷
এগৰাকী মহিলা৷ মহিলাগৰাকীয়ে গিৰীয়েকৰ পৰা বিবাহ বিচ্ছেদ বিচাৰি আদালতৰ কাষ চাপিছে৷ কাৰণ গিৰীয়েকে তেওঁৰ ওপৰত বহু অত্যাচাৰ চলাই আহিছে দীর্ঘদিন ধৰি৷ আনকি এদিন মহিলাগৰাকীক গিৰীয়েকে চৰো শোধাইছিল৷ তেনে অত্যাচাৰৰ পৰা পৰিত্রাণ বিচাৰি মহিলাগৰাকীয়ে ডিভ’চ বিচাৰিছে…৷ এনেধৰণৰ ঘাত–প্রতিঘাতৰ কাহিনীৰে আগবাঢ়িছে থপ্পৰৰ কাহিনী৷ ছবিখনৰ পৰিচালনা তথা প্রযোজনা কৰিছে অনুভৱ সিন্হাই৷ সহঃ পৰিচালক–প্রযোজক হিচাপে আছে ভূষণ কুমাৰ৷ ছবিখনত অভিনয় কৰিছে তাপসী পান্নু, পাভিন গুল্টি, ৰাণা পাঠক শ্বাহ, তনভি আজমী, ডিয়া মির্জা, ৰাম কাপুৰ, কুমুদ মিশ্র, মানৱ কৌল, সন্দীপ যাদৱ আদি৷ যদিও অহা ৬ মার্চত ছবিখন মুক্তি দিয়াৰ কথা আছিল, শেহতীয়াকৈ অহা ২৮ ফেব্রুৱাৰীত ছবিখন মুক্তি দিয়াৰ সিদ্ধান্ত লয় প্রযোজক–পৰিচালকে৷ ছবিখনৰ সংগীত দিছে অনুৰাগ শইকীয়াই৷