বিশেষ বাৰ্তা, ২৯ জানুৱাৰীঃ বিশ্বৰ ধনাঢ্য তাৰকা খেলুৱৈসকলৰ অন্যতম ক্রিষ্টিয়ানো ৰোনাল্ডো। বৃহস্পতিবাৰে আছিল ৰোনাল্ডোৰ গাৰ্লফ্ৰেইণ্ড জিঅ’র্জিনা ৰড্ৰিগজৰ জন্মদিন। জন্মদিনত বান্ধৱীক অভিনৱ উপহাৰ দি চমক দিলে পর্তুগীজ তাৰকা ফুটবলাৰগৰাকীয়ে। বান্ধৱীৰ বাবে লেজাৰ শ্ব’ কৰিলে বিশ্বৰ সবাতোকৈ উচ্চ অট্টালিকা বুর্জ খলিফাত।
বুর্জ খলিফাত লেজাৰ শ্ব’ৰ জৰিয়তে বাণিজ্যিক প্রচাৰ কৰিবলৈ ৫০ লাখৰ বেছি অর্থৰ প্রয়োজন। ৰোনাল্ডোৰ দৈনিক আয় তাতকৈ বহুত বেছি। জন্মদিনৰ অভিনৱ উপহাৰ দি ৰোনাল্ডোৱে নিজেই সেই ভিডিঅ’ ইনষ্টাগ্রামত পোষ্ট কৰিলে।
শীঘ্রেই নেটফ্লিক্সত জিঅ’র্জিনাৰ জীৱন সন্দৰ্ভত নতুন ৱেবছিৰিজ ‘আই এম জিঅ’র্জিনা’মুক্তি পাব। সেই ৱেবছিৰিজৰ কিছু দৃশ্যৰ ভিডিঅ’ আৰু জিঅ’র্জিনাৰ জীৱনৰ বিভিন্ন মুহূর্তৰ ছবি ভাঁহি উঠে বুর্জ খলিফাত। ৰোনাল্ডোই পোষ্ট কৰা ভিডিঅ’টি ইতিমধ্যে কোটিৰো অধিক মানুহে দেখিছে।