নিয়মীয়া বাৰ্তা, ৪ ফেব্ৰুৱাৰীঃ আজি মনোহাৰী চাহ বাগিচাৰ পৰিচালন সঞ্চালক ৰাজন লোহিয়াই ৯৯,৯৯৯ টকা মুখ্যমন্ত্ৰীৰ সাহায্য পুঁজিলৈ অনুদান আগবঢ়ায়। এই উদ্দেশ্যে মুখ্যমন্ত্ৰী ড৹ হিমন্ত বিশ্ব শৰ্মাৰ হাতত পৰিচালন সঞ্চালকগৰাকীয়ে এখন চেক অৰ্পণ কৰে। এই মহানুভৱতাৰ বাবে মুখ্যমন্ত্ৰীয়ে বাগিচা কৰ্তৃপক্ষলৈ আন্তৰিক কৃতজ্ঞতা জ্ঞাপন কৰিছে।
উল্লেখ্য যে, যোৱা ১৪ ডিচেম্বৰত গুৱাহাটী চাহ নিলাম কেন্দ্ৰত মনোহাৰী চাহ প্ৰতি কিল’গ্ৰামত ৯৯,৯৯৯ টকা দৰত বিক্ৰী কৰা হৈছিল আৰু একেৰাহে চতুৰ্থবাৰৰ বাবে ই বিশ্ব অভিলেখ গঢ়িবলৈ সক্ষম হৈছিল। এই উপলক্ষে মুখ্যমন্ত্ৰীক অভিলেখ ভংগ কৰা মনোহৰী গোল্ড টীৰ এটা পেকেটো বাগিচাৰ কৰ্তৃপক্ষৰ ফালৰ পৰা উপহাৰস্বৰূপে আগবঢ়োৱা হয়।