নিয়মীয়া বাৰ্তা ২১ জানুৱাৰীঃ ভাৰতীয় ক্ৰিকেট দলৰ প্ৰাক্তন উইকেটকীপাৰ অধিনায়ক মহেন্দ্ৰ সিঙ ধোনীৰ বিকল্পৰ সন্ধান এতিয়াও অব্যাহত ৰাখিছে ভাৰতীয় দলটোৱে। এতিয়ালৈকে ঋষভ পণ্টক ধোনীৰ বিকল্প হিচাপে দেখা গৈছে কিন্তু পণ্টে আশা অনুসৰি প্ৰদৰ্শন কৰিবলৈ সক্ষম হোৱা নাই। তাৰ মাজতেই পাকিস্তানৰ প্ৰাক্তন বেগী বলাৰ ছৌৱেব আখতাৰে মন্তব্য কৰিছে যে ভাৰতীয় বেটিং ক্ৰমত মনীষ পাণ্ডেই ধোনীয়ে যি ভূমিকা পালন কৰিছিল সেই ভূমিকা পালন কৰিব পাৰিব। প্ৰাক্তন পাকিস্তানী বেগী বলাৰজনে কয় যে ভাৰতে ধোনীৰ বিকল্প পালে। মনীষ পাণ্ডে ধোনীৰ বিকল্প। শ্ৰেয়াস আয়াৰক এতিয়া পৰিপক্ক খেলুৱৈ হিচাপে দেখা গৈছে যাৰ বাবে ভাৰতৰ বেটিং লাইত গভীৰতা আহিছে।