নিয়মীয়া বাৰ্তা, ১৮ ফেব্ৰুৱাৰীঃ ৱেষ্ট ইণ্ডিজৰ তাৰকা অলৰাউণ্ডাৰ সুনীল নাৰিনে টি–২০ ক্রিকেটৰ ইতিহাসত দ্বিতীয় দ্রুততম অর্ধশতক অর্জন কৰিছে৷ বাংলাদেশ প্রিমিয়াৰ লীগৰ এখন মেচত ক’মিলা ভিক্টৰিয়ানছ দলৰ হৈ খেলি তেওঁ মাত্র ১৩টা বলত অর্ধশতক অর্জন কৰিবলৈ সক্ষম হয়৷ ইনিংছ মুকলি কৰিবলৈ আহি নাৰিনে পাঁচটা বাউণ্ডেৰী আৰু ছটা ছিক্সাৰৰ সহায়ত অভিলেখ সৃষ্টিকাৰী ইনিংছটো সজায়৷ যুৱৰাজ সিং, ক্রিছ গেইল আৰু হজৰতুল্লাহ ঝাঝাই ১২টা বলত অর্ধশতক অর্জন কৰিছিল৷