নিয়মীয়া বাৰ্তা, ২২ ফেব্ৰুৱাৰীঃ নামনি অসমৰ কুখ্যাত ড্ৰাগছ মাফিয়া আয়তুল আলী পুনৰ ৰঙিয়া আৰক্ষীৰ জালত পৰিছে । আৰক্ষীয়ে হেৰ’ইনসহ আন এজন সহযোগীৰ সৈতে আটক কৰে আয়তুলক । ধৃত সহযোগীজন হৈছে ৰঙিয়া চিৰাখুন্দিৰ নুৰুল হক । আয়তুলৰ পৰা উদ্ধাৰ কৰে ৯ গ্ৰাম হেৰ’ইন । আৰক্ষীৰ এটা দলে এক গোপন সূত্ৰৰ পম খেদি ৩১নং ৰাষ্ট্ৰীয় ঘাইপথৰ বালাগাঁৱত আয়তুলক AS-01-ET-7856 নম্বৰৰ ক’লা স্কৰপিঅ’ৰ সৈতে আটক কৰে । সম্প্ৰতি আৰক্ষীয়ে অধিক তথ্যৰ বাবে আইতুলক মাৰাথন জেৰা অব্যাহত ৰাখিছে । উল্লেখ্য যে ৭ মাহ পূৰ্বেও আয়তুলক ৰঙিয়া আৰক্ষীয়ে ড্ৰাগছসহ আটক কৰিছিল ।
প্ৰেৰক ফাৰুক হুছেইন