নিয়মীয়া বাৰ্তা, ২৫ ফেব্ৰুৱাৰীঃ শোণিতপুৰৰ বালিপৰাত আজি পুনৰ জব্দ কৰা হয় এখন চোৰাং গৰুভৰ্তি ট্ৰাক আৰু লগতে আটক কৰা হয় এটা গৰু সৰৱৰাহকাৰীক । জানিব পৰা মতে আজি এক গোপন সূত্ৰৰ পম খেদি বালিপৰাত চাৰিদুৱাৰ আৰক্ষীয়ে এক অভিযান চলাই চোৰাংকৈ অতি নিৰ্দয়ভাৱে ২৬ টাকৈ গৰু কঢ়িয়াই অনা এ এছ ২৩ বি চি ৬১৮৬ নম্বৰৰ এখন ট্ৰাক জব্দ কৰে । লগতে গৰুখিনি কঢ়িয়াই অনা এটা সৰৱৰাহকাৰীকো আটক কৰিবলৈ সক্ষম হয় । আৰক্ষী সূত্ৰই জনোৱা অনুসৰি গৰুখিনি অৰুণাচল প্ৰদেশৰপৰা বাংলাদেশলৈ নি থকা হৈছিল । উল্লেখ্যে যে কালি চাৰিদুৱাৰ আৰক্ষীয়ে ২৩ টাকৈ গৰু কঢ়িয়াই অনা এখন কন্টেইনাৰ জব্দ কৰিছিল ।
প্ৰেৰক প্ৰাঞ্জল পি বৰা