নিয়মীয়া বাৰ্তা, ১৬ মাৰ্চঃ নগাঁৱৰ হয়বৰ গাওঁ আৰক্ষী চকীৰ আৰক্ষীয়ে আজি অভিযান চলাই এজন তীৰ ব্যৱসায়িক গ্ৰেপ্তাৰ কৰিবলৈ সক্ষম হয়।হয়বৰ গাওঁ আৰক্ষী চকীৰ ভাৰপ্ৰাপ্ত বিষয়া তৰংগ পাটোৱাৰীৰ নেতৃত্বত যোৱা আৰক্ষীৰ দলে নগাঁও চহৰৰ লক্ষীনগৰ চাৰিআলিৰ পৰা অপু দাস (৫৫)নামৰ তীৰ ব্যৱসায়ি জনক গ্ৰেপ্তাৰ কৰাৰ লগতে তেওঁৰ পৰা তীৰৰ টিকট বহি, মোবাইল ফোন আৰু নগদ ৬৪৪০টকা জব্দ কৰে।ধৃত অপুৰ ঘৰ চহৰ খনৰ এ,ডি,পি কলেজ ৰোডত।অপুয়ে দীৰ্ঘদিন ধৰি চহৰ খনত তীৰৰ এক ৰমৰমীয়া ব্যৱসায় চলাই আহিছিল।