নিয়মীয়া বাৰ্তা, ২২ মাৰ্চঃ বৰপেটা জিলাৰ বাঘবৰৰ আলোপতিচৰ আৰক্ষী থানাৰ অধীনস্থ বাঘমাৰা চৰৰ সৰবৰহী যুৱক তথা কাছাৰ জিলাৰ চতলা জনতা এম, ই স্কুল (শিলচৰ)ৰ সহঃ শিক্ষক ছফিৰ উদ্দিন আহমেদৰ আজি পুৱা আকস্মিক মৃত্যুৰ বাতৰিয়ে অঞ্চলজুৰি শোকৰ ছাঁ পেলাইছে। জানিব পৰা মতে আজি পুৱাতেই কৰ্মস্থলীলৈ ওলাই যোৱা যুৱ শিক্ষক গৰাকী হঠাৎ উচ্চ ৰক্তচাপৰ ফলত অসুস্থ হৈ পৰাত ততাতৈয়াকৈ গোৱালপাৰাৰ এখন চিকিৎসালয়লৈ নিয়া হয় যদিও চিকিৎসকে মৃত বুলি ঘোষণা কৰে। শিক্ষক ছফিৰ উদ্দিনৰ ঘৰত পিতৃ-মাতৃ ,জ্যেষ্ঠ ভাতৃ-নবৌয়েকৰ উপৰি আছে কেইমাহমানৰ পূৰ্বে বিবাহ পাশত আৱদ্ধ হোৱা পত্নী ,খৱৰটো পাই পৰিয়ালটোৰ সকলো মৰ্মাহত ,গাঁওখনতো বিৰাজ কৰিছে এক শোকাকুল পৰিবেশ। ছাত্ৰাৱস্থাত অতি মেধাৱী ছফিৰ উদ্দিন আহমেদৰ মৃত্যু বৃহত্তৰ অঞ্চলটোৰ লগতে শিক্ষাজগতৰ বাবেও এক অপূৰণীয় ক্ষতি বুলি ৰাইজৰ মন্তব্য !