নিয়মীয়া বাৰ্তা , ২৯মাৰ্চঃ বাক্সাৰ জালাহ শিক্ষাখণ্ডৰ অন্তৰ্গত শিলবাৰী সমল কেন্দ্ৰত শিলবাৰী মণ্ডল সমল কেন্দ্ৰৰ অন্তৰ্গত বিদ্যালয়সমূহৰ বিদ্যালয় পৰিচালনা সমিতিৰ তিনিদিনীয়া প্ৰশিক্ষণৰ আজি সমাপ্ত হয় । এই প্ৰশিক্ষণত বিদ্যালয় পৰিচালনা সমিতিৰ দায়িত্ব আৰু কৰ্তব্য সম্পৰ্কে পুংখানুপংখকৈ আলোচনা কৰা হয় ।এই প্ৰশিক্ষণত নতুন শিক্ষা নীতি সম্পৰ্কেও আলোচনা কৰাৰ লগতে শিক্ষাদানৰ ক্ষেত্ৰত বৈদ্যুতিক মাধ্যম তথা তথ্য প্ৰযুক্তিৰ ব্যৱহাৰ সম্পৰ্কেও বিস্তৃতভাৱে আলোচনা কৰা হয় । শিলবাৰী মণ্ডল সমল কেন্দ্ৰৰ মণ্ডল সমন্বয়ক ধনজিত দাসে আঁত ধৰা এই প্ৰশিক্ষণত সমল ব্যক্তি হিচাপে শিলবাৰী মধ্য ইংৰাজী বিদ্যালয়ৰ সহঃ শিক্ষক সৰ্বেশ্বৰ কলিতা উপস্থিত থাকে ।
প্ৰেৰক দিগন্ত দাস