নিয়মীয়া বাৰ্তা, ৪ এপ্ৰিলঃ ৰাজ্য চৰকাৰৰ সমাজ কল্যাণ বিভাগৰ অধীনত মৰিগাঁও জিলা সমাজকল্যান বিষয়া সন্তোষ কুটুমৰ তৎপৰতাত মৰিগাঁও চহৰত আজি ওৱান ষ্টপ চেন্টাৰ ‘সখী’ মুকলি কৰে মৰিগাঁও জিলা উপায়ুক্ত প্ৰকাশ ৰঞ্জন ঘৰফলীয়াই। নাৰীক সুৰক্ষা আৰু সহযোগিতা প্ৰদানৰ উদ্দেশ্যেৰে মুকলি কৰা এই কেন্দ্ৰই মৰিগাঁও জিলাৰ নিৰ্যাতিতা, নিঃসহায় মহিলাৰ বাবে সহায়ক হ’ব বুলি প্ৰকাশ কৰে উপায়ুক্ত প্ৰকাশ ৰঞ্জন ঘৰফলীয়াই। উক্ত অনুষ্ঠানত উপস্থিত থাকে মৰিগাঁও জিলাৰ অতিৰিক্ত উপায়ুক্ত অৰুদ্ধতি নৰহ মিপুন সহ কেইবাগৰাকী বিশিষ্ট ব্যক্তি। জিলা সমাজ কল্যান বিষয়া সন্তোষ কুটুমে কৈ যে এই অনুষ্ঠান তিয়ে সমাজৰ নিৰ্যাতিতা মহিলা সকলৰ বাবে বিশেষ সহায়ক হব।