নিয়মীয়া বাৰ্তা, ৫ এপ্ৰিল: ঢকুৱাখনা মাজুলী স’যোগী অতি ব্যস্ত আৰু সুচল যাতায়তৰ একমাত্ৰ স্থল পথ জালভাৰী সোমদিয়া লোকনিৰ্মাণ বিভাগৰ পথটোৰ সোণাৰি চাপৰি অংশত যোৱা নিশা এজোপা প্ৰকাণ্ড গছ পৰি পথ বন্ধ কৰাৰ লগতে বিদ্যুৎ যোগান ব্যাহত হয় ৷ পথটোৰ সোণাৰি চাপৰি মধ্য ইংৰাজী বিদ্যালয় আৰু সোণাৰি চাপৰি ট্ৰাইবেল হাইস্কুলৰ প্ৰবেশ পথম বিপৰীত দিশত একাংশ ব্যৱসায়িক প্ৰতিস্থানৰ সন্মুখত পথৰ কাষতে থকা বৰ্ষীয়ান আৰু গুৰি পচাঁ গছজোপা যোৱা নিশা ১০ মান বজাত সামান্য বতাহতে উঘালি পথৰ ওপৰতে পৰাত কোনো ধৰণৰ ক্ষয় ক্ষতি ন’হল যদিও অঞ্চলটোত বিদ্যুৎ যোগান ব্যাহত হয় ৷ নিশাৰ ভাগতে উঘালি পৰা গছজোপা আজি দিনৰ ১০ বজালৈকে আঁতৰ কৰি পথটো মুকলি নকৰাত যান বাহন চলাচলৰ লগতে বিদ্যালয়ৰ ছাত্ৰ ছাত্ৰী আৰু পথচাৰীৰ বাবে সমস্যাৰ স্ষ্টি কৰাৰ ওপৰিও সমগ্ৰ অঞ্চলটোত বিদ্যুৎ যোগান ধৰিব নোৱাৰা অৱস্থা স্ষ্টি হোৱাত লোক নিৰ্মাণ বিভাগৰ লগতে ঢকুৱাখনাৰ বন বিভাগকেই জগৰীয়া কৰিছে সোণাৰি চাপৰিবাসীয়ে ৷