নিয়মীয়া বাৰ্তা, ৯ এপ্ৰিলঃ জৰুৰীকালীন অৱতৰণৰ সময়ত ৰানৱেত পিছলি এখন বিমান দুটুকুৰা হৈ যোৱা ভিডি’ই এতিয়া ছ’চিয়েল মিডিয়াত জ্বৰ তুলিছে৷ এই ঘটনাটো ঘটিছে লেটিন আমেৰিকাৰ কোষ্টাৰিকাৰ ৰাজধানী ছান জোছৰ হুৱান ছাণ্টা মাৰিয়া বিমানবন্দৰত৷ দুর্ঘটনাগ্রস্ত পণ্যবাহী বিমানখন জার্মানীৰ এক পৰিবহণ সংস্থাৰ৷ বিমানখন এনেদৰে দুর্ঘটনাত পতিত হৈছে যদিও ইয়াৰ পাইলট দুগৰাকীৰ জীৱন ৰক্ষা পৰিছে৷