নিয়মীয়া বাৰ্তা, ১৬ এপ্ৰিলঃ এণ্ড্রিউ মেকড’নাল্ডক অষ্ট্রেলিয়া ক্রিকেট দলটোৰ নতুন মুখ্য প্রশিক্ষক হিচাপে নিযুক্তি দিয়া হৈছে৷ মেকড’নাল্ডক জাষ্টিন লেংগাৰৰ স্থলাভিষিক্ত কৰা হয়৷ আগন্তুক ৪ বছৰৰ বাবে মেকড’নাল্ডক দলটোৰ মুখ্য প্রশিক্ষক হিচাপে নিযুক্তি দিয়া হয় বুলি ক্রিকেট অষ্ট্রেলিয়াৰ এক বিবৃতিত আজি এই কথা সদৰী৷
মন কৰিবলগীয়া যে মেকড’নাল্ডে ২০১৯ চনৰে পৰা জাষ্টিন লেংগাৰ সহকাৰী হিচাপে অষ্ট্রেলিয়া দলটোক সেৱা আগবঢ়াই আহিছিল৷ মেকড’নাল্ডক কেংগেৰু বাহিনীৰ মুখ্য প্রশিক্ষক হিচাপে নিযুক্তি দিয়া সন্দর্ভত ক্রিকেট অষ্ট্রেলিয়াৰ মুখ্য কার্যবাহী বিষয়া নিক হুকলেই কয় যে মুখ্য প্রশিক্ষক পদটোৰ বাবে কেইবাগৰাকীও প্রার্থীয়ে আবেদন কৰিছিল আৰু তেওঁলোকৰ সাক্ষাৎকাৰো লোৱা হৈছিল যদিও মেকড’নাল্ডকে উপযুক্ত প্রার্থী হিচাপে নির্বাচিত কৰা হয়৷