নিয়মীয়া বার্তা, ২৪ জানুুৱাৰীঃ গুৱাহাটী ষ্টেচনত চলোৱা নিয়মীয়া তালাচীত বৃহস্পতিবাৰে ৰে’ল আৰক্ষীয়ে ৩২০জাঁই সক্রিয় গুলীসহ এজন লোকক গ্রেপ্তাৰ কৰিবলৈ সক্ষম হয়৷
নামনিমুৱা কামৰূপ এক্সপ্রেছৰ এছ–১ কোচৰ ৯ নম্বৰ ছীটত বহি অহা বিহাৰৰ অভিনন্দন কুমাৰ (৩৪) নামৰ লোকজনে পইণ্ট–৩২ পিষ্টলৰ এই বৃহৎ পৰিমাণৰ সক্রিয় গুলীখিনি কঢ়িয়াই আনিছিল৷ চৰকাৰী ৰে’ল আৰক্ষীয়ে ঘটনা সন্দর্ভত এটা গোচৰ ৰুজু কৰি অভিনন্দন কুমাৰক গ্রেপ্তাৰ কৰি জেৰা অব্যাহত ৰাখিছে৷
ধৃত কুমাৰে গুলীখিনি ডিমাপুৰৰ পৰা হাওৰালৈ নিয়াৰ কথা আছিল৷