সৰুক্ষেত্ৰীত স্বেচ্ছাসেৱী অনুষ্ঠান একলাচ ফাউণ্ডেশ্যনৰ উদ্যোগত ঈদ উপলক্ষে দৰিদ্ৰ লোকৰ মাজত ধন বিতৰণ
নিয়মীয়া বাৰ্তা ,১ মেঃ বৰপেটা জিলাৰ ৪৬ নং সৰুক্ষেত্ৰী বিধানসভা সমষ্টিৰ অন্তৰ্গত কয়াকুছিৰ সমীপৱৰ্তী চকিৰ ভিঠাত বৃহত্তৰ অঞ্চলটোৰ অগ্ৰণী স্বেচ্ছাসেৱী বেচৰকাৰী অনুষ্ঠান একলাচ ফাউণ্ডেশ্যনৰ উদ্যোগত সমাগত ঈদ উপলক্ষে দৰিদ্ৰ লোকৰ মাজত নগদ ধন বিতৰণ কৰা হয়। উল্লেখ্য যে, দৰিদ্ৰ লোকে এই কিছু ধন লাভ কৰি দৰিদ্ৰ লোক সকলে প্ৰয়োজনীয় সা-সামগ্ৰী ক্ৰয় কৰি ঈদৰ আনন্দ উপভোগ কৰিব পাৰিব বুলি উদ্যোক্তাসকলে মতপোষন কৰে। এই ধন বিতৰণ অনুষ্ঠানত ক্ৰমে একলাচ ফাউণ্ডেশ্যনৰ সভাপতি দেলুৱাৰ হুছেইন, সম্পাদক ৰফিকুল ইছলাম (ভাইটি) সদস্য ক্ৰমে আফজালুৰ ৰহমান,ছাদেক আলী,আলতাব হুছেইন,জাকিৰ হুছেইন,হজৰত আলী,মণিৰ উদ্দিনকে আদিকে কৰি কেইবাগৰাকী বিশিষ্ট ব্যক্তিয়ে উপস্থিত থাকি চকিৰ ভিঠা,খাবলাৰ ভিঠা,বনবাহাৰ গাঁৱ আদিৰ প্ৰায় শতাধিক দৰিদ্ৰ লোকৰ মাজত সাহায্য হিচাপে ধন বিতৰণ কৰে। সম্প্ৰতি স্বেচ্ছাসেৱী অনুষ্ঠানটোৰ এনে পদক্ষেপক সচেতন মহলে ভূঁয়সী প্ৰশংসা কৰে।
প্ৰেৰকঃ আফতাব হুছেইন