বিশেষ বাৰ্তা, জোনাই, ২ মেঃ জোনাইত কানিসহ এজন লোকক আটক কৰে জোনাই আৰক্ষীয়ে ৷ জোনাই থানাৰ আৰক্ষী বিষয়া ভাৰ্গৱমুনি দাস আৰু ভাৰপ্ৰাপ্ত আৰক্ষী বিষয়া নেত্ৰকমল শইকীয়াৰ নেতৃত্বত যোৱা আৰক্ষীৰ দলটোৱে গোপন সূত্ৰৰ পৰা পোৱা তথ্যৰ ভিত্তিত চলোৱা অভিযানত জব্দ কৰে বুজন পৰিমাণৰ কানি৷ আটকাধীন লোকজন জোনাই উজনি বিজয়পুৰৰ গাঁৱৰ নিৱাসী মিত্ৰদেৱ মেদক৷ আটকাধীন লোকজন ঘৰত তালাচী চলাই ৪২ গ্ৰামৰ কানি আৰু মিক্স কৰা কানি ৫৬ গ্ৰাম জব্দ কৰিবলৈ সক্ষম হয় জোনাই আৰক্ষীয়ে৷ আৰক্ষীৰ প্ৰাথমিক জেৰাত ব্যক্তিজনে কানিখিনি অৰুণাচলৰ বিভিন্ন ঠাইৰ পৰা অনি নিজ গৃহৰ পৰাই সৰবৰাহ কৰি থকা বুলি জানিব দিয়ে৷ আনহাতে, জোনাই মহকুমাটোত অনাগত দিনতো মদ, ভাং, কানি, ড্ৰাগছ আদি সেৱন অথবা বিক্ৰী কৰা দেখিলে এনে ব্যক্তিৰ ওপৰত কঠোৰ ব্যৱস্থা গ্ৰহণ কৰা হব বুলি সকীয়াই দিছে জোনাই আৰক্ষী বিষয়া ভাৰ্গৱমুনি দাসে৷