বিশেষ বাৰ্তা, ৩০ মেঃ কংগ্ৰেছে ৰাজ্যসভাৰ প্ৰাৰ্থী ঘোষণা কৰাৰ পিছতে দলৰ ভিতৰচ’ৰাত অসন্তুষ্টি, বেজাৰ বাঢ়িছে। খুবেই দুখ লাগিছে অভিনেত্ৰীৰ পৰা ৰাজনীতিক হোৱা নাগমাই। সংসদৰ উচ্চ সদনৰ বাবে বাছনি নোপোৱাত অসন্তুষ্টি প্ৰকাশ কৰি মহিলা কংগ্ৰেছৰ সাধাৰণ সম্পাদক নাগমাই কৈছে যে তেওঁৰ ১৮ বছৰীয়া তপস্যা উত্তৰ প্ৰদেশৰ ইমৰাণ প্ৰতাপগিৰিৰ সন্মুখত কম পৰিছে।
हमारी भी १८ साल की तपस्या कम पड़ गई इमरान भाई के आगे । https://t.co/8SrqA2FH4c
— Nagma (@nagma_morarji) May 29, 2022
টুইটাৰত নাগমাই কয় যে যেতিয়া কংগ্ৰেছ সভানেত্ৰী ছোনিয়া গান্ধীৰ নিৰ্দেশত দলত যোগদান কৰাৰ সময়তেই তেওঁ নাগমাক ৰাজ্যসভালৈ পঠিয়াব বুলি ব্যক্তিগতভাৱে প্ৰতিশ্ৰুতি দিছিল। তেতিয়া কংগ্ৰেছ ক্ষমতাত নাছিল। সেই কথাৰ ১৮ বছৰ হ’ল, কিন্তু প্ৰতিশ্ৰুতি ৰক্ষা নহ’ল। ইমৰাণ প্ৰতাপগিৰিয়ে মহাৰাষ্ট্ৰৰ পৰা টিকট পোৱাত ক্ষুন্ন এসময়ৰ মোহময়ী অভিনেত্ৰী। এতিয়া নাগমাৰ এটাই প্ৰশ্ন- তেওঁ কম যোগ্য নেকি?
SoniaJi our Congress president had personally committed to accommodating me in RS in 2003/04 whn I joined Congressparty on her behest we weren’t in power thn.Since then it’s been 18Yrs they dint find an opportunity Mr Imran is accommodated in RS frm Maha I ask am I less deserving
— Nagma (@nagma_morarji) May 30, 2022
অহা ১০ জুনত ৰাজ্যসভাৰ নিৰ্বাচনত প্ৰতিদ্বন্দ্বিতা কৰিবলগীয়া ১০ গৰাকী প্ৰাৰ্থীৰ তালিকা ঘোষণা কৰাৰ পিছতে আজি প্ৰতিক্ৰিয়া প্ৰকাশ কৰিছে নাগমাই। ২০০৪ চনত কংগ্ৰেছত যোগদান কৰা নাগমাক এই তালিকাৰ পৰা বাদ দিয়া হৈছে। “হয়তো মোৰ তপস্যাত কিবা কম থাকিল”- কংগ্ৰেছৰ ৰাষ্ট্ৰীয় মুখপাত্ৰ পৱন খেৰাই টুইট কৰাৰ ঠিক ছয় মিনিটৰ পিছতে এই টুইটটো কৰিছে নাগমাই।