নিয়মীয়া বাৰ্তা, ৩ জুন : কোকৰাঝাৰ আৰু চিৰাং জিলাৰ সীমান্তৱৰ্তী তথা বঙাইগাঁও জিলাৰ অন্তৰ্গত ১১৮ নং বগুলামাৰী আদৰ্শ অংগনৱাড়ী কেন্দ্ৰৰ আধাৰশিলা আজি স্থাপন কৰা হয় । তিলকগাঁও গাঁও পঞ্চায়তৰ অন্তৰ্গত অংগনৱাড়ী কেন্দ্ৰৰ আধাৰশিলা স্থাপন কৰে বিধানসভা ভিত্তিত আধাৰশিলা স্থাপন সমিতিৰ সভাপতি অনিল সিংহই । অনুষ্ঠানটিত ডাংতল ব্লকৰ এ ই মনিৰুল আজম, বিধান সভা ভিত্তিত নিৰ্মাণ সমিতিৰ সদস্য শশী ভূষণ মেধি, তিলকগাঁও গাঁও পঞ্চায়তৰ সভাপতি মনোজ কুমাৰ বৰ্মন, অংগনৱাড়ী কেন্দ্ৰ পৰিচালনা সমিতিৰ সভানেত্ৰী যুতিকা বৰ্মণ, অংগনৱাড়ী কৰ্মী বাবলী বৰ্মণ, সহায়িকা গংগাময়ী বৰ্মণ, ৫০৩ নং বগুলামাৰী প্ৰাথমিক বিদ্যালয়ৰ প্ৰধান শিক্ষক গোপাল চন্দ্ৰ দাস, সহ শিক্ষক অৰুণ কুমাৰ গোস্বামীৰ উপৰি স্থানীয় বিশিষ্ট ব্যক্তি, মহিলা আৰু বিদ্যালয়ৰ ছাত্ৰ-ছাত্ৰী সকল উপস্থিত থাকি আধাৰশিলা স্থাপন কাৰ্যসূচী সাফল্য মণ্ডিত কৰি তোলে ।
প্ৰেৰক ভৃগু মুনি ৰায়